تقنيةمعلوميات

أجي تعرف و تفهم شنوا هو API

الAPI هو واحد الوسيط كيكون بين المستخدم والخادم، يعني بين الclient والserver، كيشد الrequests يعني طلبات وكيوريهم لسيستيم ولا server، وكيرد عليك بالResponses يعني الجواب ولا واحد الخدمة معينة، على سبيل المثال الapi هو واحد سرباي فواحد القهوة كطلب منو مثلا عصير الاناناس كيوصل طلب ديالك لهاداك لي كيقدم الخدمة يعني لي كيصاوبها، فحالة كانت راه كيجيبها ليك وهنا فين غاتعرف شنو كتعني response 200 يعني ديك صفحة كاينة ولعكس كيطلع ليك error 404.

شنو الاستخدامات ديالو؟

الAPI كيفيد بزاف خصوصا الdevelopers، على سبيل المثال، بغيتي تعرف بشحال كيدير واحد البرودي فواحد شركة، كاتمشي تقصد شركة وكدخل لبلاصة لي فيها سجلات ديال الاثمنة وكتعكيهم البرودي وكيردو عليك بالثمن ديالو..

لاجينا نعكسو هاد الامر على الAPI، الاكانو هاد البروديات بالاثمنة ديالهم ديجا دايرين ليهم upload فالdatabase يمكن ليك تصاوب برنامج بسيط باش يدير لك الاكسيس لديك database وتقد ديك ساعة توصل لكاع لبروديات بالاثمنة ديالهم وسميات، هنا فين كنشوفو سهولة وسرعة باش نوصلو لواحد المعلومات معينة مكيبانوش ديركت.

شنو الاجراءات لي يمكن ديرهم بالAPI؟

ببساطة كاين ربعة الإجراءات

أولا get: هي لي كدير ليك طلب الdata من السيرفر، هاد الdata تقد تكون الحالة ديال سيت مثلا ولا لحالة ديال ديك صفحة واش كاينة ولا لا ويقدو يكونو الخصائص يعني تقد توصل للاسم ديال شي مستخدم..الخ كاين فسيرفر

ثانيا post: كدير العكس ديال get بلاصة متستالم البيانات من سيرفر هنا نتا لي كتزيدهم فالdatabase يعني مثلا نتا لي كدير بليزير فمول لقهوة و كتجيب ليه الاناناس هههه.

ثالثا put: كيدير مراجعة لdata او المعلومات لي ديجا كاينين وكيزيد عليهم، يعني بحال ميطود ديال push فstack كتزيد دخل واحد لعنصر فالسيرفر

رابعا delete: من سمية باينة يعني كتمسح المعلومات لي ديجا كاينين.

كانت هادي نظرة عامة على هاد التقنية، ولي كيسول بحالاش يتعامل معاهم او يخدم بيهم، حاول تلقا شي http client يعني يقد يسيفط requests و يستقبل responses.

مقالات ذات صلة

‫11 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى