الرئيسية

ما بعد الباك!!فين نقدر نقرا…

البوسط على المدارس لي بمكن لك تقرا فيهم لprogramming ولا الIT بصفة عامة
أولا خاصك تعرف أن مشي كاع المدارس عندهم نفس النظام أو طريقة التدريس، كاين لي كيركزو على دك تخصص لي درتي سوا الويب مثلا أو الموبايل، وكاين لي كينوعو كيوزعو الاهمية على كاع المواد ( معنديش مع المقدمات) معلينا نبداو..

•غانبدا بصحاب المونسيو يعني 16 و17 ريلاكس غانحاول ندوز على كاع الحالات، معلينا لاكنتي من هاد النوابغ لي جايبين هاد نقط وعندك تخصص علمي فهنيئا عندك الفرص كتر من لآخرين، وأحسن اختيار لي تقد تقرا فيه هو المدرسة الوطنية العليا للاتصال والنظم معرفتش واش هكا مهم اختصار ديالها ENSIAS، هادي من أحسن المدارس لي لحد الآن عارف كلشي معتارف بيها بزاف دول والمؤسسات كيديرو معاها شراكة فالمسابقات ديال الأمن المعلوماتي والبرمجة، من بينهم مدرسة 1337

•دبا نشوفو صحاب 13/14/15 هادو تاهوما عندهم بيبان مفتوحين بزاف باش يقدو يقراو فالمدارس لي بغاو ومن أهم المدارس لي يقدو يقراو فيهم كاينين، المدرسة العليا للتكنولوجيا EST هادي مدرسة زوينة تخصص سميتو génie informatique كتقرا فيها ريزو والبرمجة والvirtualisation على حد علمي والماط ضروري منو كتوسع على دكشي لي قريتي فالباك، وكاينة المدرسة العليا للعلوم والتكنولوجيا FST وهادي كتبغي المقاتلة دبصح حيت مفيهاش غادومين البرمجة بوحدو فيها الماط وفيزيك

• دبا نجو لي عندو مونسيو ولكن مشي ديك لمونسيو لي دخلو للمدارس لكبار بخال لي لفوق، يحالي انا عندي باك سيونس فيزيك 12.73 ومتقبلتش فهادوك لي لفوق.. معلينا صحاب 11 و 12 و13 وحتا 10 10 ونص كاع بعد المرات هنا احسن اختيار بعد هادوك لي دكرت هي الOFPPT معرفتش علاش كلشي حاگرها ولكن راه عندهم لحق لاقارنتيها بلا خرين،مهم معلينا انا كنقرا حاليا فيها فالعام لول (دعو معانا قربو الامتحانات) التخصص لي فيها كانت سميتو devlopment informatique وولات سميتو devlopment digital، صراحة واخا هكاك زوينة ومخاصكش تقلل من القيمة ديالها، حيت هادي لاتقبلتي فيها راك محظوظ يعني مغاضيعش وقتك وتمارة هكاك فلافاك، بما أنني كنقرا فيها غاندكر ليكم الموديلات لي كاينين، أول مرة هاد لعام غاتقرا بايثون، ولكن مسي هي أول موديل، وانما اول موديل هو الprogramation structures غاتقراو فيها بالpsudo language الخوارزميات وحل المشاكل.. وثاني موديل هو بايثون، غاتقراوه من لبدية غادوزو على لكونسيبط كامل ولكن مغاتقراوش الoop حيت هاد لخر غاتقراوه بC# فالموديل تالي.. ودوك الموديلات لاخرين مغاندكرهمش حيت معطيتهمش أهمية ولكن لي مهتم بالموديلات يخلي ليا مساج بريفي،
بالنسبة للعام الثاني اول مرة هاد لعام غايعطوك تختار بين جوج تخصصات سوا الموبايل أو الويب
mobile applications
full stack web devloper

•وصلنا لصحاب سيونس مقبول، هنا افضل حل خو تسجلو فالofppt نيت ولكن من دبا ماحد لبلايص معمرو لامقبلوكش بقا تمشي تسول حيت غادي تكون فلائحة الانتظار المهم بقا تصدع الإدارة ويكون خير ان شاء الله حيت غالبا لي كيتقبلو طايرين بمونسيو كيديرو مدارس عليا من بعد وكعمروهم بصحاب لوائح الانتظار
==> ملاحظة: للاسف صحاب ايكونومي ميقدوش يديرو devlopment informatique فالofppt

•دبا وصلنا للي عندهم باك اداب ، هنا معندي حتا شي فكرة واش كاين سي مدرسة معارفهاش انا ولاشي بلان بحال هكا، ولكن الحل هو تقاتل راسك تقرا لوحدك فدار حسن كاع، الحمدلله كاين الدورات والكتب عطاهم الله، والحل ثاني هو تشوف شي مدرسة بريفي تخلص بطبيعة الحال فالخر دوز امتحان وتاخد دبلوم منعرف واس معتارف بيه ولا لا ولكن حنا كنتكلمو فإطار تعلم مشي باش تشد ورقة بلا فايدة وتعلقها،

• وأخيرا الطبقة الكادحة لي معندهمش لباك هادو أفضل حل هو يحاولو يشدو بلاصتهم فمدرسة 1337 حست مكيبغو حتا شرط واخا تكون خارج من تاسعة يكفي تكون 18 سنة فما فوق

هذا مكان اخوتي ومتنساوناش من الدعاء❤️
حمزة الانصاري

‫14 تعليقات

  1. What i don’t realize is in reality how you are now not actually a
    lot more well-appreciated than you may be right now. You’re very intelligent.

    You know thus significantly in the case of this matter,
    produced me personally imagine it from a lot of varied angles.

    Its like women and men aren’t involved unless it is one thing to do with
    Woman gaga! Your own stuffs great. At all times deal with it up! http://www.deinformedvoters.org/hydroxychloroquine

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى