مجتمع

واش بصح الناس كيحققوا النجاح بصدفة؟ او كاين شي سر؟؟

بدا و خليك انت الملهم.

السلام عليكم مرة اخرى فموضوع جديد، انا فرحان ليوم حيت غادي نهضر عليك انت، و گاع الفرص اللي مشات عليك غادي تعوضنا هنايا ان شاء الله.

كقاعدة اساسية نتافقو عليها هي انه ماكاينش شي حد حقق نجاح غير بالصدفة، غادي تلقا شخصيات كبيييييرة في المجتمع تبهرك بالانجازات دياولها، قدرات تستغل اي نقطة ضعف ولا فشل و رجعاتو حافز وحققت به نجاح كبير.

الشخص الملهم يقدر يكون في الدائرة ديالك، شي واحد من العائلة أو صديق تيحفزك و تايشوف الدنيا ديما بطريقة ايجابية و ديما تيطور من راسو.

اكيد غادي تكون نسخة ديال صاحبك او عل الاقل تتشابهو في شي حوايج انت وياه ، و عندكم نفس الطموح و الشغف.

ولكن الى ماعمرك تلاقيتي مع اللي يحفزك و يلهمك، فنظرك واش خاصك تقلب عليه ولا تدير انت خطوة للقدام ؟

غاندي قال : ” كن انت التغيير الذي تريد ان تراه في العالم ”

و على ود هادشي خاصك تتطور من راسك و ماتيأسش، حيت كيييفما كانت البداية فاشلة باقي كلشي بيديك باش تدير نهاية اللي ترضيك.

• نقطة مهمة بزاف هي انك خاصك تكتاشف المهارة اللي انت تتميز بها على ناس اخرين.

بيكاسو اشهر رسام في العام كان غادي في الطريق وجات عندو واحد المعجبة و طلبات منو يرسمها، بكل شغف رسم ليها واحد اللوحة بالزربة عطاها ليها و قال ليها : هاد اللوحة غادي تساوي مليون دولار ،

جاوباتو قالت ليه: انت ما فتي فيها حتى 30 ثانية و تتقول مليون دولار .

قال ليها : راه تمارا وتعلم و اتقان ديال 30 سنة هو اللي خلاني نرسم لوحة في 30 ثانية ….. انتهى

 

غانستافدو من بيكاسو انك خاصك تحاول وتجرب و تخرج القدرات ديالك الدفييينة و تركز عليها مزيان و خلي الراحة للناس العاديين انت راك ماشي عادي . و ثق بياا باذن الله غادي توصل فين بغيتي .

و اخيرا واخا طولت ما تبقاش تسمع للهضرة السلبية ، اللي تتحبط ، غادي تخليك ديما اللور اللور ، خاصك تجرب و تفشل و من بعد غادي تنجح ان شاء الله و تميز ، و بدل الشوفة ديالك للحياة راك انت انسان عظيم. و الله يسر للجميع..

و السلام عليكم.

by Moughaoui abdessamad

تقييم المستخدمون: 3.8 ( 3 أصوات)

مقالات ذات صلة

‫27 تعليقات

  1. What i don’t realize is actually how you are now not really much more smartly-preferred than you might be now.
    You’re very intelligent. You understand thus considerably
    on the subject of this subject, produced me individually imagine it from a lot of varied angles.

    Its like women and men don’t seem to be fascinated
    unless it is something to accomplish with Girl
    gaga! Your own stuffs excellent. At all times handle it up!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى