منبر و آراء

كيفاش الأطبّاء الشرعيين كيقدّروا الوقت لي ماتت فيه الجثة ؟

موضوع مهم للإستفادة!
كيفاش الأطبّاء الشرعيين كيقدّروا الوقت لي ماتت فيه الجثة ؟ شنو لي كيبين ليهم بلي الجثة ماتت و لا تقتلات قبل جوج سوايع و لا عشرة…؟ من الحوايج لي كنت كنتساءل عليها بزاف…غنتكلم عليها بشكل مبسط .. هنا :
أوّلا،درجة الحرارة
ملي كتوقع الجريمة، أوّل حاجة كيديروها الشرطة هي تسجيل درجة حرارة الجثة و الوقت لي سجلوها فيه لأنّ القاعدة كتقول : كلّ ساعة دازت على الموت ديال الشخص كتنقص 1 درجة حرارة مئوية
ثانياّ،صلابة الجثة
كتبدا الجثة بالتصلّب ف 40 دقيقة تال 3 د سوايع،و التصلّب كيكون نتيجة انعدام تدفّق الدم و الأكسجين .. و لكن شناهيا أول بلاصة فالجسم كتصلّب ؟ الفك و جفون العين من بعد كينتاشر فبقية الجسم من بعد 4 دسوايع كتصلّب عضلات الرّقبة..من بعد 7 دسوايع عضلات الصدر..من بعد 10 دسوايع عضلات البطن .. و من بعد نهار كامل كيمشي التيبّس
ثالثاً،العينين
ملي كيتشكّل واحد الغشاء خفيف فوق العينين هادشي كايعني أنّ الجثة 3 دسوايع و هي ميتّة
و إلا بركتي على العين أتحس بيها ليّنة حيت كيقلّ الضغط ديال داك السائل لي كيكون لداخل
رابعاً،لون البشرة
بعد يومين من الموت، كتبدا البشرة تميل ل اللّون الأخضر علاش ؟ بسباب تكون البكتيريا على الجسم لي كتبدا من أسفل البطن من بعد للجسم كامل
و من بعد 4 تال 8 أيّام كتولي العروق بارزة و باينة بشكل واضح
خامساً و أخيراً، ترسّب الدّم
بهاد الطريقة كيعرفوا وضعية الميّت و واش حرك شيواحد الجثة و لا لا..كايفاش زعما ؟ مثلا ملي كيكون احمرار فالظهر ( ترسّب ) كيعني أن الشخص مات على ضهرو و تاواحد ما حرك الجثة و لكن لا كان احمرار فالظهر و الصدر بجوج ؟ ترسّب فجوج جوايه مختالفة معناه أنّ شيواحذ حرّك الجثة و خلا الترسّب يكون فجوج أمكنة من الجسم
كانت هادي واحد النبذة بسيطة من الأساسيات لي كيعتامدوها الأطباء الشرعيين فتحليل الجرائم !!

‫31 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى