تقنيةتكنولوجياتكنولوجيادورات تعليميةمعلوميات

شنو هي الاستضافة؟ وبحالاش كيترفعو المواقع؟

موضوع اليوم باختصار المستهدف منو هو لي مكيعرفش بحالاش يرفع الموقع ديالو (الموقع عبارة عن ملفات ) ولا كيتخربق فالمفاهيم حيت كيتبع شروحات متقدمة واخا كيفتاقر الأساسيات، وغانبداو بأهم حاجة هي الاستضافة-Hosting
1-شنو هي الاستضافة او الHosting؟
هو بحال واحد الجهاز كومبيوتر فيه مواصفات معينة يقد يكون فأي دولة بغيتي خدام 24 ساعة على 24 ساعة
2-شنو الغرض منو؟
هو لي كترفع فيه الموقع ديالك باش يقدر يشوفو اي واحد فالعالم، والى مثلا طفا دك البيسي مغايقدش يطلع فالانترنيت، بكل بساطة.
3-أنواع الاستضافة :
كاين أربعة أنواع متداولة ومعروفة عند متخصصين المجال وكل استضافة كتختالف على الاخرة فالعديد من المميزات وهاد الانواع ديال Hosting كالتالي:
✔️الshared Hosting :
كيكون هاد الهوستينغ عبارة عن واحد الحاسوب مثلا مشترك بين بزاف ديال الاشخاص لي بغاو حتا هما يرفعو المواقع ديالهم على ديك الاستضافة او لاغراض اخرى، يعني أكثر من مستخدم او user فبيسي واحد وكل شخص كيستافد من واحد خاص بيه باش يحط الموقع ديالو، هذا كيكون فيه بعض المشاكل بحال مثلا اذا كان البيسي فيه غا 500 جيغا فهنا كل مستخدم كيقد يثقل الخدمة على الآخر وتقد المساحة تعمر فالتالي مغايبقاوش يقدو يزيدو الملفات وكيواجهو مشكلة الا كانت رام ضعيفة..الخ
هادشي علاش ثمن ديالو رخيص بزاف، يعني تقد تكريه ب0,1 دولار وتقد تلقاه فابور، ومن المشاكل الاخرى هي احتمالية الاختراق يعني الا تختارق شي مستخدم من هادوك لي معاك حتا نتا مهدد، ولكن الا كنتي اول مؤة باغي غا تيستي فمن الاحسن تخدم ييه.
✔️الvps Hosting :
هاد الهوستينغ احسن من الاول من حيث المواصفات مثلا يقد يكون فيه 32 فالرام و6 TB.. واكثر امانا ايضا، لأنه مكيعتمدش فالخدمة ديالو على مستخدمين لا، وانما على virtual Pc او Rdp يعني حاسوب افتراضي أو بمفهوم اخر لي مفهمش بيسيات صغار داخل بيسي واحد وكيستعملو فهاد الخدمة Virtual Box او Vmware..يمكن ليك تشري هوست بمواصفات لي افضل فالمساحة، الرام.. ولكن كيف ماكنقولو زيد الما زيد دقيق يعني هاد نوع اغلى من الاول ولكن متخلعوش را مكيتعداش 5 دولار فالعام على الاكثر وختا لاتختارق شي واحد فنفس الهوستينغ الرئيسي ميقدرش يوصل ليك بتاتا
✔️الdedicated hosting :
هاد نوع كيكون استضافة او حاسوب خااص بيك، سكر على خاص بيك، يعني مكاين لا rdp لا users نتا بوحدك لي كتخدم فيه ومن حقك تزيد فاي حاجة المساحة، الرام،… وبعض الاستضافات من هاد نوع مكيوفروش ليك الخدمة ديال تعامل مع الملفات والupgrad يعني تحديث، كيخصك تعلم مهارات بحال نظام Linux مشي شي نيفو طالع،وانما اوامر تعديل على الملفات وتعامل معها..
✔️الcloud Hosting :
كيما كنقولو لخر مبخر ههههه هذا هو أحسن واحد، وهو لي كتخدم بيه أمازون، Google, Facebook …يعني مكيكونش هوستينغ واحد وانما بزااااف، بحال مثلا امازون دايرة مستودعات خاصة بهاد لservers (Hosting) وكيكون ساهل يعني تقد تدير تحديث وتعامل مع الموقع بنقرة زر كيكونو موجدينها ليك ديجا وهو اغلى واحد، يعني لكان عندك شي مشروع او شي موقع بغيتي تاخد احسن مكاين ، كري هاد نوع من الاستضافة، واخا غالي شويا مقارنة مع الباقي ولكن لا يتعدى تقريبا 10 دولار.
وأخيرا فهاد الموضوع غانحط احسن عشرة مواقع ديال الاستضافة:
-جودادي
-هوست جيتور
-بلوهوست
-آي بيج
-إنموشن هوستنج
-سايت جراوند
-دريم هوست
-ليكويد ويب
-ويب.كوم
-فات كاو
كالعادة حاولت مندخلش مصطلحات تقنية لان المستهدف من هاد البوسط هما لي معارفينش هاد المعلومات..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى