معلوميات

شنوا خاصني نعرف قبل ما نبدا فالتجارة الإلكترونية؟

أشنو خاصني نعرف قبل ما نبدا في التجارة الإلكترونية ؟

مؤخرا ولاو بزاف ديال الأشخاص مهتمين بالبيع عبر الإنترنت أو التجارة الإلكترونية لأنه بنسبة ليهم فهو طريقة لتحقيق الربح السريع ، لكن كينساوا أنه التجارة الإلكترونية هي براسها مهنة و لي خاصها تتعلم من أجل نجاحها .

إنشاء متجر إلكتروني كيتطلب إتقان العديد من المهارات : الخدمات اللوجستيكية ، التسويق عبر الإنترنت ، بناء علاقة مع الموردين ديال السلع ، تصميم الويب و غيرها ……

أنشئ أساسيات التجارة الإلكترونية ديالك

قلب على منتوج لي ممكن تبيعوا في المحل ديالك الإلكتروني ، هاذ المنتوج خاصُ يكون مناسب للبيع و مميز أو كيفما كيقولوا خبراء التجارة ، يكون هو كيبيع راسُو براسو . هاذ المنتوج ممكن نوصفوه هاكا :

منتوج صعيب يتلقا في أي بلاصة، منتوج متخصص، منتوج لهواة شي نوع خاص ديال المنتوجات، منتوج عصري، منتوج مطلوب..

فملي كا تختار المنتوج يصعب على منافسيك العثور عليه و لي مطلوب من المستخدمين ديال الأنترنيت ، فأنت هاكا كتبدأ العمل ديالك بميزة جذابة .

 

حدد أهداف العمل ديالك وأهدافه ونطاقه

قبل ما تنشئ تجارة إلكترونية حدد الأهداف المتوقعة للعمل ديالك بشكل صحيح ، حاول تفصلهم و ترجعهم أجزاء قدر الإمكان ، فكلما كانوا الأهداف أكثر دقة ، زادت القدرة ديالك على أنك تتعود على التجارة الإلكترونية ديالك و تتعلم كيفاش تتقنها و تسيرها .

 

حدد نطاق ديال مشروعك

يمكن لك تحدد نطاق التجارة الإلكترونية ديالك بالإستعانة على الأجوبة ديال هاذ الأسئلة :

 

واش خاص موقع التجارة الإلكترونية ديالك يكون متعدد اللغات ؟ أي واش المنتوجات لي كتعرض للبيع كيهموا بزاف ديال الناس بإختلاف مكناهم و ثقافتهم ؟

أشناهي أشكال الدفع لي غادي تستاعن بها ؟ واش بالبطاقة البنكية أو الدفع عند التسليم أو بجوج معا ؟

 

واش الموقع غادي تكون عندُ نسخة على شكل تطبيق هاتفي ؟ ابحث عن اسم مناسب للمحل ديالك

 

غادي يكون اسم محل التجارة الإلكترونية مهم جدًا لنجاح العمل ديالك ، بحيث أنه عند الإختيار ديالُ خاصُ يكون كيتبع بعض الخاصيات التالية:

 

يكون قصير، يقدر يتحفظ بسهولة و يبقا في بال أي واحد قراه، ساهل في الكتابة، كا يتنطق بشكل صحيح.

إلا احترامتي هاذ القواعد الصغيرة قدر الإمكان ، غادي تضمن أن زوار الموقع و مستخدمي الأنترنيت غادي يكونوا قادرين على أنهم يتفكروا إسم الموقع ديالك ، و إلا احتاجوا شي نهار شي منتوج لي من تخصصك فهما غادين يتفكروا إسم الموقع ديالك بسهولة و يتوجهوا ليه.

تنشيط التجارة الإلكترونية ديالك

من بعد ما أنك كتكون حددتي الأهداف ديال التجارة ديالك و الإستراتيجية و الطريقة لي لقيتي أنها مناسبة و أنها غادي يساعدوك في البيع على الموقع ديالك ، هنا غادي يجي الوقت باش تفكر في تشغيل تنشيط المحل التجاري الإلكتروني ديالك في مختلف محركات البحث و مواقع التواصل الإجتماعي، بحيث أن شبكات التواصل الإجتماعي كا تعتابر أقوى و أكبر وسيلة للتسويق الإلكتروني ، بحيث أنه غادي يسمحوا لك بإنشاء مجتمع من الزبناء و كذلك يمكنوك من أنك تعرف أراء و توقعات الناس حول العلامة التجارية ديالك ، كيفما أنه ممكن تتفاعل معاهم مباشرة.

 

وأخيرا التجارة الإلكترونية كتبغي المعقول والمصداقية وسرعة العمل. كلما كنتي نشيط بالعمل ديالك وكانت عندك علاقات ومعارف كلما كان العمل ديالك ساهل وهكا كتكون كسبتي ثقة المشترين ومنها أنت رابح والزبائن رابحين فنفس الوقت.

تحياتي

تقييم المستخدمون: 2.86 ( 4 أصوات)

مقالات ذات صلة

‫36 تعليقات

  1. Hey there! Someone in my Myspace group shared this website with us so I came
    to look it over. I’m definitely enjoying the information. I’m book-marking and will be tweeting
    this to my followers! Outstanding blog and superb design.

  2. Hey! Do you know if they make any plugins to assist with SEO?
    I’m trying to get my blog to rank for some targeted keywords but I’m not
    seeing very good gains. If you know of any please share.
    Appreciate it!

    Also visit my web-site :: Sam

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى