مجتمع

شرح لواحد من أحسن البرامج للدخول السريع الخاص بدولة كندا

السلام عليكم انا اليوم غادي نشرح ليكم برنامج الدخول السريع الخاص بكندا و اللي فنظري احسن برنامج حيت كيتميز بالسرعة. فأنا مثلا قدرت نحصل على فيزا الاقامة الدائمة في 4 اشهر. كاينين اللي خداوها حتا في 3 او شهرين. لمهم في معظم الحالات مكتفوتش 6 اشهر.

اول حاجة هاد البرنامج خاص بالمقاطعات الناطقة بالانجليزية يعني من غير كيبيك. الاغلبية كيعرفو غير كيبيك. و لكن مكيعرفوش باللي كاين فرق كبيييير بين كيبيك و المقاطعات الانكلوفونية من ناحية العقلية و النظام و تقبل الاخر و كلشي.
هاد البرنامج كيعتامد على النقط. الى قدرتي تجمع مجموع كيفوت 470 كتكون تقريبا ضامن كندا. خصوصا اصحاب النقط اللي كيكونو اكثر من 475. و لكن حتا اللي عندهوم نقط اقل كاين الحل ديالهم حتا نهضر عليه مرة اخرى.

اولا ميمكنش ليك تدفع لهاد البرنامج الى ماكانوش فيك هاد الشروط:
1.على الاقل خبرة سنة واحدة فعمل مصنف ضمن اللائحة 0. A. B. سير لكوكل و كتب liste cnp canada و قلب على خدمتك الى لقيتيها ف 0 او A او B اذن مزيان.

2.دبلوم معترف بيه : كتب فكوكل WES. هادي هي اللي غتدير ليك المعادلة ديال الشهادة ديالك و هي اللي غتقرر واش ديبلومك معترف بيه و تقدر تستعملو فالهجرة.

3.اختبار اللغة: اما الفرنسية اما الانجليزية. خاصك تجيب فوحدة فيهم على الاقل clb7

4.Proof of funds :يعني خاصك تقوليهم شحال قادر تجيب معاك ديال الفلوس باش تعيش فالاشهر الاولى علاما تلقا خدمة. المبلغ اللي خصك تجيب على الاقل عندو علاقة مع عدد افراد الاسرة.
كتب فكوكل: tableau de la preuve de fonds pour entrée express canada

هادو هوما الشروط غير باش تقدر تدفع. دابا كتجي النقط ديالك كيفاش كيتجمعو.هنا نتا و شطارتك. بغيتي تعرف كيفاش كتحسب النقطة سير دير simulation
كتب بكوكل: calcul note SGC entree express
و غادي تفهم مزيان كاااع العوامل اللي كيأثرو على النقطة. اما اجابيا او سلبيا. مثلا غير الحالة العائلية الى كنتي سيليباطير كتجيك النقطة اكثر من واحد مزوج واخا تكونو فحال فحال فكلشي.
العمر الى عندك 29 او اقل كتاخد 100 نقطة و مول 30 كياخد 95 و هي غادة كتبقا تنقص ب 5 نقط.
مول الماستر كياخد كتر من مول الاجازة …
ولكن اللي كيقلب الموازين هو امتحان اللغة.
الى قدرتي تجيب clb9 وخصوصا الى كانت عندك 3 سنوات خبرة و ماستر او اكثر. غير بدا تجمع باليزتك.

مقالات ذات صلة

‫4 تعليقات

  1. Admiring the hard work you put into your website and in depth information you offer.
    It’s awesome to come across a blog every once in a while that isn’t the
    same out of date rehashed information. Excellent read! I’ve bookmarked your site and I’m adding your RSS feeds to my
    Google account.

  2. I was curious if you ever considered changing the page layout of
    your site? Its very well written; I love what youve got to
    say. But maybe you could a little more in the way of
    content so people could connect with it better. Youve got an awful lot of text for
    only having one or 2 images. Maybe you could space it out better?

    Here is my web blog: bbs.pdmao.com

  3. Hi just wanted to give you a quick heads up annd let you kow a few of thhe pictures aren’t loading properly.

    I’m not sure why but I think its a linking issue.

    I’ve tried it in two different internet browserds and both sho the saje results.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى