معلوميات

دورة الشبكات والامن المعلوماتي – الجزء الثاني: شرح الIP address بالتفصيل

الا فهمتي هاد البوسط تقد تناقش اي مهندس شبكات حول الip

اليوم غاندوي على الip address بالتفصيل، يعني غاندوي على دوك الارقام لي فيه تاهوما وان شاء الله غاتكمل لبوسط غاتخرج فاهم بزاف دالحوايج..
  • بسم الله طلق لكرونو، اول معلومة خاصك تكون عارف هي أنه فالقديم قبل ميختارعو العلماء الip كان كلشي كيما كنعرفو كيخدم بلغة الصفر والواحد لي هي لغة لي كيفهمها الحاسوب، وفاش تختارعات شبكة قررو انهم يعطو عناوين للاجهزة لي مرتابطة فالشبكة، وباش نقدو نعطو عنوان لواحد الجهاز كيما كتعرفو خاص ضروري يكون بالصفر والواحد يعني الbinary System، دكشي علاش ناضو وختارعو الdecimal nembers ولي هوما محصورين بين رقم 1 ورقم 9، وهنا فين بان الip حيت صعيبة عملية انك دير عنوانين توزعهم على الاجهزة كاملين مكتوبين بصفر والواحد، واول ip تختارع كان حجم ديالو 32 bits وهو لي كيتسما الIPv4 يعني ip version 4 وهو لي باقي كنخدمو بيه الحد الآن وكنشوفو بزاف، ولكن كانت واحد المشكة هي انه عدد الايبيات لي متوفرين هو 2 اس 32 وهاد العدد غير كافي باش يمكن نوزعو على كلشي عنوان خاص بيه حيت كيما كنعرفو حاليا حتا ساعة ديال اليد راه عندها ايبي، وهنا فين بان الIPv6 ولكن مغاندووش عليه يكفي تفهم فالبداية الip العادي حيت هو لي خاص ضروري تفهمو باش تمشي مزيان فالتعلم.
  •  الip كيتكون من ربعة الاجزاء ديال الارقام كتفصل بيناتهم 3 النقط على سبيل المثال153.128.78.2 وكل جزء كيتسما الbayt او كيتسما الoctet 153 هدا bayt و128 حتا هو bayt يعني هاد الفكرة واضحة..
  1. والشرط الأول لي غانبداو بيه هو أنه باش يكون عندنا ايبي خاص ضروري كل bayt يعني كل جزء يساوي 8 bits، اجي تفهم مزيان علاش حيت كيما كنعرفو الايبي فيه 4 لبايتات او الاجزاء وكل جزء فيه 8bits يعني شد 8 وضربها فربعة يعني ضربها فعدد الاجزاء غايخرج ليك دائما 32 وهدا أهم شرط باش يكون عندنا IPv4 خاص يكون مكيفوتش 32 bits، (كنحاول نشرح بالخشيبات يعني لامفهمتيش غاعاود قرا الفقرة ورجع كمل)
  2. شفنا شرط الاول دبا نشوفو🔰 شرط الثاني، ولي هو أنه كل جزء او كل bayt ولا بغيتي تسميه كاع octet خاص ميفوتش 3 الارقام، مثلا لاشفتي شي ip فيه 2135.54.62.1 عرفو مشي أيبي حيت عندنا دك لbayt الاول طول ديالو فيه 4 ولي هو 2135، وهدا غير كيخرق شروط باش يكون عندنا ip
  3. شرط الثالث، وهو أنه كل جزء فدوك الارقام مخاصش يكون فايت العدد 255، يعني اكبر اعداد فشي أيبي ممكن تشوفو هو 255.255.255.255 معمرك غاتلقا 256 فشي bayt كيف ما كان
  4. شرط رابع، مخاصش يكون دك الbayt الاول كيبدا بصفر بتاتا، يعني يقد يكون الايبي بهاد شكل127.10.3.0 ولكن خطأ انك تلقا 0.12.3.0 مثلا أو012.34.23.12
💕💪وصلتي حتا لهنا وفهمتي راك غادي مزيان، ومعندي منتسالك،
  • دبا جا الوقت فين ندوو على حاجة مهمة بزاف ولي 💙هي الكلاسات ديال الip
عندنا فهاد الكلاسات ربعة الانواع، class A, class B, class C, class D
هاد لفقرة لافهمتيها غاتولي تشوف الأيبي وتعرف اينا كلاس. باش نحددو الكلاس ناضو العلماء دارو واحد القضية هي أنه يمكن تعرف الكلاس من خلال دك الbayt او الجزء الاول، على سبيل المثال 192.128.10.147 غانشوفو من خلال البايت الاول لي هو 192 غانقول ليك ديركت أنه كلاس c، غاتسولي الله يهديك احمزة شرح لينا بحالاش هههههه، واخا غانعطيك كل كلاس والارقام لي فيه باش تقد تحددهم
class A ==> 0–>127
class B ==> 128–>191
class C ==> 192–>223
class D ==> 224–>255
كيما كتلاحظو كنحددو الكلاس انطلاقا من 3 الارقام لولين أو كيتسما الbayt الأول، والملاحظة الثانية هي علاش حبسنا حد 255، كيف ماقلت ليكم فلول راه ميمكنش نفوتو هاد رقم، حيت انفوا نفوتو مثلا درنا 256.255.255.255 راه فتنا عدد الايبيات المتاحة فالعالم،🔸 وهادشي يقد يسبب انهيار فشبكة وطيح.🔸
  • دبا غاندوو على واحد القضية أخرى، ولافهمتيها هنا غاتعرف علاش كتختالف الارقام، من شبكة لآخرة مثلا واحد معاك فشبكة علاش اسيدي عندكم بجوج الايبي كيبدا ب192 ولارقام لآخرين مختالفين قنعني ياله ههههههه،
  • نسا عليك الكلاسات باش تفهم هاد لفقرة، عندنا 3 الانواع ديال شبكة وكل شبكة كتختالف على الاخرة انطلقا من جوج حوايج مهمين، ولي هوما عدد الnet id وعدد الhost id فهاديك شبكة
  • اجو اشباب نشؤحو كل واحد شكيعني هههههه..الnet id مختصر ديال network id هادا هو عنوان شبكة ولي هو عبارة دوك الارقام لولين فالايبي او الbayt الاول..مثلا نتا وشي 2 عشرانك حمزة وامين مكونيكطيين فنفس الشبكة
الايبي ديال نتا هو 192.132.10.12
والايبي ديال حمزة هو 192.132.10.18
والايبي ديال أمين هو 192.132.10.10
كما كتلاحظو بالعين المجردة كاملكم عندكم فالbayt الاول 192 إوا اسيدي هدا هو الnet id
اوديك 132.10.18 ديال حمزة مثلا هداك هو الhost id ولي كيكون هو عنوان الجهاز ديال وسط شبكة، اسيدي غانزيد نبسط بالخشيبات الnet id هو رقم العمارة مثلا وفهاد الحالة هو 192 والhist id هو رقم الغرفة

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى