الأمن المعلوماتي واختبار الاختراقتقنيةتكنولوجيامعلوميات

دورة الشبكات والامن المعلوماتي – الجزء الخامس: الOSI model

صحة فطوركم  متابعي الدوم هذا من أهم المقالات غاتحتاجهم واخا ممهتمش بالشبكات..
نبداو🔥
نفترض عندنا جوج اجهزة متاصلين💻🖥️ ببعضياتهم عن طريق شبكة الإنترنت🕸️ مثلا، الا كان واحد فهاد جوج اجهزة بغا يسيفط شي بيانات📲 للجهاز لاخر لي معاه💻، فديك البيانات راه كتسافر عبر الشبكة، وباش يوصلو دوك البيانات سليمين ومفيهم تامشكل، كنخدمو بواحد القوانين أو بروتوكولات protocols💸، كيوجهو الاتصالات بين الجهاز لول والثاني، فاش كنجمعو البروتوكولات مع بعضياتهم كنسموهم الcommunication model🖇️، والموضوع ديال ليوم واحد الmodel من هاد الcommunicatiom models ولي هو⚔️ الOSI model⚔️
🛡️️الosi model كيقسم الاتصال الى 7 طبقات كيتسماو layers
🏌️اجي نديرو واحد رحلة🚎 مع دوك البيانات فهاد طبقات، غانمشو طبقة بطبقة..
🔰️نفترض اسيدي كدوي نتا وصاحبك فالفيسبوك، كل واحد كيدوي بالجهاز ديالو مثلا بيسي، نفترض واحد عشيرك صدعك على تصويرتو لي صورتيه عام هادي ومسيفطيهاش ليه ههههه فاش غاتختار تصويرة وتبغي تسيفطها ليه، انفوا كتكليكي على send كدخل كتمشي ديك data لي هي تصويرة وكتمشي مع واحد سيد هو لي كيدفع طلب او request باش يدوز ليك تصويرة وهاد سيد الله يجازيه هو🔰 application layer🔰، هادا داخل فيه كاع تطبيقات لي كيتاصلو بالانترنت️ والبرتوكولات لاساسية لي كيخدمو فيه هوما http وsmtp لي معرفش شنو هادو غانخلي ليان لتحت قرا عليهم..
🛡️️نكملو رحلة، فاش كتخرج ديك data من الapplication layer كدخل لواحد طبقة اخرة ولي هي 🔰الpresentation layer🔰، هادي هي طبقة المسؤولة عن التشفير، هي لي كدير تشفير دوك البيانات وكتقسمهم على شكل حزم أو packets، ولكن فنفس الوقت لكان الجهاز هو المستقبل هاد طبقة بحد ذاتها هي لي كتفك التشفير وترجم البيانات، اهم البروتوكولات لي فيها هوما SSL وTLS
  • من بعد هاد جوج طبقات كتجي واحد طبقة سميتها 🔰الsession layer🔰 هاد طبقة هي المسؤولة عن مراقبة الجلسة، أو مراقبة الاتصال ديالك مع عشيرك، فمثلا فالفيسبوك فاش كيوقع شي مشكل فالشاط، كيقوليك انتهت الجلسة❗، وفنفس الوقت فاش كدير ابيل فيديو مثلا هنا جوج streams لي رئيسيين هوما📣 audio stream والvideo stream هاد الطبقة هي لي كتجمع هاد جوج فهاد الحالة باش يكون الابيل هو هداك..
  • وصلنا لأحد أهم الطبقات لي🔰 transport layer🔰 أو طبقة النقل، هاد طبقة خدامين فيها جوج بروتوكولات أساسين الudp🚝 والtcp🐢 وكل واحد فيهم بدورو عندو بروتوكولات فالصنف ديالو، الفرق بين هاد جوج أن الtcp كيحافظ على البيانات كيما سيفطيهم مكيضيع والو، والudp العكس مشي سوقو بحال لادومونديتي شي بيتزا باش تجيك لدار وكيجييها ليك مول توصيل وكيلوحها ليك فسما هههه على سبيل المثال لايفات فيسبوك.. وغاندوي على موضوع tcp/ip and udp 🛡️💻بالتفصيل إن شاء الله
  • وصلنا لواحد لمحطة مهمة لي هي🔰 network🔰 هادي هي المسؤولة عن توجيه الاتصالات وتوصيل الpacketd📦📦 فالانترنيت🕸️، وهي الطبقة المعروفة بالaddressing أو العنونة، البروتوكول الرئيسي ديالو هو الip وكينقاسم لip داخلي والخارجي، وكينقاسمو بدورهم لipv4 والipv6
  • طبقة🔰 data link layer🔰 وهي لي مسؤولة على الاتصال بين الاجهزة على نفس شبكة بشكل خاص، على مستوى قطع الهاردوير🖥️، يعني بين قطعتين ديال كارط ريزو على سبيل المثال أو بين واحد الطابعة🖨️ وبيسي..الخ، والaddressing كيتم عن طريق الMAC Address وهدا مهم بزاف غانخصص ليه وقتو وغانوريكم بحالاش تغيرو الmac.
  • آخر طبقة وهي🔰 physical layer🔰 وهي لي كدير الاتصالات بين الاجهزة عن طريق الاسلاك او الاتصال مثلا بين طابعة 🖨️وكومبيوتر🖥️ بالكابل ..الخ يعني كل اتصال مادي🔌.. ومن البروتوكلات لي فيه هو MTP هو لي كيخدم باش ينقل الملفات 📨من الهاتف الى الحاسوب عن طريق الكابل

مقالات ذات صلة

‫220 تعليقات

  1. I do not even know the way I finished up right here, but I assumed this post was great.
    I do not realize who you might be however definitely you are going to a famous blogger if you
    are not already. Cheers!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى