الأمن المعلوماتي واختبار الاختراقتقنيةتكنولوجيامعلوميات

دورة الشبكات والامن المعلوماتي – الجزء الثالث : أهمية البرمجة في الأمن المعلوماتي وإختبار الاختراق

اجيو ندويو شويا على شي حوايج خاصك تكون ضروري عارفهم فالشبكات، علاش كنركزو على الشبكات بزاف، حيت هما الاساس ولي ضروري خاص تفهم بحالاش كيخدمو باش تمشي مزيان فالcyber security
  • اولا واحد السؤال لي غايبان لك سؤال عبيط كواحد ديجا بادي ههههه بحالاش الامن المعلوماتي كيخص تعلم البرمجة والشبكات شنو جاب هادي لهادي.. واخا انا نجاوك، 

غانعطيك امثلة صغار..البرمجة غاتفيدك بزاف باش تقد نتا تبرمج واحد الnetwork أو أنك تقاد tools كيتعاملو مباشرة مع الشبكة، على سبيل المثال network scanner لي كيطلع الMac addresse ديال الtarget لي باغي دير ليه pentesting، او الport scanner كيطلع ليك البورتات المفتوحين فشي host معاك فشبكة او شي سيت ديك ساعة كتختالف طريقة الexploitation من port لاخر على حسب نوع الخدمة ديال البروتوكول، وزيد وزيد..

  • دبا جا لوقت لي تسول شنو خاص نتعلم فالبرمجة بالضبط مع العلم باغي نتخصص فالsecurity،
أول حاجة غادير هي تعلم الأساسيات مزيان، يعني تعلم تكتب الكود وميطريزي الconcept ديال البرمجة من الvariables حتا لoop.. الخطوة التالية هي قرا المكتبات لي كيخدمو مع الشبكات، وهنا فين غاتستمتع بزاف هنا فين غاتجمع الnetworking والcoding، ومن اهم المكتبات لي خاص تقرا، هوما الsocket والscapy والrequests وزيد بزاف هادو مكاينينش غا فpython لا، اي لغة سكريبتيغ را فيها حتا c++، يعني هنا اي لغة كترتاح فيها ويفضل تخدم بوحدة من هاد جوج python أو Go lang اوحتا js..
اجي نزيد نفهمك شنو كيديرو هاد المكتبات، على سبيل المثال باغي دير اتصال او connect مع واحد البورت، ديال device ديال target لي معاك فالشبكة، هنا غاتخدم بالsocket وغانزيد نعطيك مثال حي بلغة python باش تشد فكرة عامة

مثلا واحد سيد سميتو احمد معاك فالشبكة هو لي باغي دير ليه test هنا غاتشد الip ديالو هو لي غاتحتاج فقط، مثلا الip ديالو هو 192.168.10.15

نتا مثلا باغي تكونيكطا مع البورت 21 لي لبروتوكول ديالو ftp مسؤول على تبادل الملفات،
هاهو الكود بpython

import socket

s = socket.socket(socket.AF_INET, socket.SOCK_STREAM)

#هنا قاديتي سيرفر ولا كيتسما end point او تقد تسميه socket وكيعني قاديتي واحد المنفذ كيمكنك انك دير اتصال مع أي end point او سيرفر او client آخر.. والsocket كيتكون بالاساس من ip و port، نكملو الكود فاش قادينا socket ديالنا دبا نخدمو بيه

s.connect((ip, 21))

#هنا درنا محاولة باش نديرو اتصال مع البورت 21 ديال ديال الip لي قلنا فالاول، ولكن مغايتكونيكطاش فجميع الحالات، إلا اذا كان البورت 21 مفتوح، دكشي علاش كنخدمو بالport scanner باش نشوفو البورت لي مفتوح ونعرفو بحالاش نستاغلوه،
  • بقات واحد الحاجة قبل ميسالي البوسط واحد العيبة غاتصادف معاها فالاةل شنو كتعني packet وهو المفهوم لول لي غاتصادف معاه فاش تكون كتعلم

الpacket هو بحال لاقلتي ديك التصويرة لي كتسيفط مثلا لواحد فالانترنيت كتمشي على شكل طريفات، يعني الpacket هي ديك البيانات لي كنتبادلو فالشبكة ولكن كتكون مجزءة مثلا الdata هي ديك سلعة كاملة لي كانت فديك سفينة لي غرقات فقناة السويس، باش نسيفطو كلشي آمن قررنا نسيفطو دوك الحاويات وحدة بوحدة هادو هوما لي كيتسماو packet وطرق نقل ديالهم كاينين جوج، سوا بالtcp لي كيحافظ عليهم وكيديهم بحال الأمانة وكيوصلك مثلا الفيديو كامل مكمول، أو الudp هادا سرع من tcp ولكن مكيحافضش على الامانة كاملة على سبيل المثال كيتستخدم فاللايفات البث المباشر، دكشي علاش كتشوف لايف ففيسبوك كيتقطع ههههه ولكن راه كيكون سرع من الtcp حيت الا ستعملنا الtcp فاللايف غايوصلك معطل بزاف..

كان هدا بوسط الهدف منو هو تعرف شنو علاقة الشبكات بالبرمجة نتمنا تكونو فهمتو ملشي بالتفصيل 
 

مقالات ذات صلة

‫29 تعليقات

  1. Write more, thats all I have to say. Literally, it seems as though
    you relied on the video to make your point. You obviously know what youre talking about, why throw away your intelligence on just posting
    videos to your weblog when you could be giving us something enlightening to read?

  2. انا اول مره ادخل الموقع ولكن اريد ان اتعلم كيف اصبح هكر و عندما اتعلم ساصبح اقوى هكر في العالم و اهكر مواقع اسرائيل بالكامل و اريهم من هم المسلمين اخوكم من ليبيا و ZID

  3. Attractive element of content. I just stumbled upon your weblog and
    in accession capital to assert that I acquire actually loved account your weblog posts.
    Any way I’ll be subscribing for your augment and even I success
    you get admission to consistently fast.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى