معلوميات

دورة الشبكات والامن المعلوماتي – الجزء الاول: البروتوكولات

البروتوكولات هي واحد القواعد ومجموعة من الخدمات وهي لي كدير الارسال ولاستلام ديال البيانات لي هوما الهدف الرئيسي كاع علاش تختارعات الشبكة باش نشاركو فيها الملفات بحال الصور الموسيقى الخ..
بسم الله نبدأ
DHCP: Dynamic Host Configuration Protocol
هو لي كيعطي الIP ادريس لاي جهاز تلقائيا
Http: Hyper Text Trancfer Protocol
كيحدد الاوامر لي غايدير سيرفر وهو لي كيتستعمل باش يسيفط البيانات ديال المواقع
Https: Hyper Text Trancfer Protocol Secure
كيشد هادوك الباينات لي كيسيفط Http وكيدير ليهم تشفير وكيسيفطهم بواحد الاتصال محمي
 FTP: File Transfer Protocol
كيتستعمل باش يحول الملفات بين الclient وسيرفر فواحد الشبكة
ملاحظة مصطلح الclient كيتطلق على اي جهاز كيستقبل البيانات من سيرفر فشبكة
SSH: Secure Shell
بروتوكول التحكم فالاجهزة عن بعد بواسطة الانترنيت، يعني تقد مثلا تحكم فواحد الحاسوب فواحد المدينة من داركم ولا تكون خدام فدار وكتحكم فلبيسي ديال شركة.
POP3: Post Office Protocol
كيسيفط الايميلات من الserver الى الclient
SMTP: Simple Mail Trancfer Protocol
البروتوكول لي كنستخدموه باش نسيفطو الايملات فواحد الشبكة ديال البيسي، وغاتخدم فاش تبغي تقاد شي برنامج ديال الرسائل
TCP: Transmission Control Protocol
كيشد المساج لب باغي تسيفط فالشبكة هاد المساج يمكن يكون اي نوع من الdata وكيقسم المساج لواحد السلسلة ديال الpackets (الباكيت هي وحدة بيانات كاينة فشبكة يمكن نصنفوها انها جزء من البايانات لي كتنتاقل فالشبكة)، من بعد فاش كيقسمهم كيجمعهم وكيسيفطهم عبر شبكة بلا حتى خطأ
UDP: User Datagram Protocol
يمكن نقولو هاد البروتوكول بديل لtcp، المميز فيه انه اسرع من هاد الاخير، والميزة التالية هي انه كيربط بين تطبيقات مختالفين
IP: Internet Protocol
غني عن التعريف وكيتستخدم باش يعطيك عنوان داخل شاشة، وكيعاون فالrouting يعني كيوجه الpackets من جهاز لاخر
IPsec: Internet Protocol Security
كيخدم التشفير باش يزيد الحماية لبروتومول الIP
لي ديجا كاين
ICMP: Internet Control Message Protocol
كيقدم بلاغات على الاخطاء لي ف الip packets وكيطورهم وكيدير ليهم معالجة ولا تشخيص يعني كيعطيك كاع الاخطاء
ARP: Address Resolution Protocol
كيمكنك تعرف واحد الlink layer بحال الMAC Address ديال واحد الجهاز بواسطة الايبي، او العكس كتعطيه link layer وكيعطيك الايبي ادريس

مقالات ذات صلة

‫33 تعليقات

  1. You actually make it appear really easy together with your presentation however I in finding this
    topic to be really something which I feel I might never understand.
    It seems too complex and extremely huge for me.

    I’m having a look ahead in your subsequent submit,
    I will attempt to get the grasp of it!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى