تكنولوجيامعلوميات

البرمجة دابا، البرمجة فالمستقبل، البرمجة فأي زمان و مكان.. البرمجة لغة المستقبل!

اليوم غنهضروا على لغة المستقبل. بمجرد امتهانها فغتولي قادر تواصل مع جميع سكان العالم؛ ومنبعدوش بزاف نبقاو غير فالمغرب الوكالة الوطنية لتقنين المواصلات عطات تقرير سنة 2016 أنه عدد المغاربة اللي كيولجو للأنترنت كتر من 18 مليون

و أكيد الرقم ايكون تضاعف ف2021 وعدد الأجهزة 46 مليون هاتف. كفاش يمكن لمبرمج يتواصل مع المغاربة كاملين ؟الطريقة ساهلة وبسيطة معليه إلا يبرمج تطبيق او موقع تيلائم الاحتياجات ديالهوم. ولكن باش تعلم لغة من لغات البرمجة مشي ساهلة ولكن فنفس الوقت مشي صعيبة حيت كتطلب منك الارادة فقط وماتبقى راه متوفر خاص غير يكون عندك حس الباحث. وفإطار مايسمى التعليم الذاتي أتقدر تتعلم وتتطور ومن بعد اتكون عندك القدرة لولوج بيوت جميع المغاربة.

نهضرو على الدومين بصفة عامة ونبقاو فالمغرب العام لي فات 11٪ من فرص الشغل كانو متاحين للأشخاص في المجال المعلوماتي. هدشي كيأكد بلي فالمغرب بمجرد ماتقرى على البرمجة أو اي حاجة متعلقة ب الاعلاميات فكون أكيد بلي راك مغتبقاش بطالي ولكن أتصوڤي راسك. غير هو الظروف لي اتخدم فيها كتختالف حسب الحنكة ديالك ونسبة استعمالك للمنطق.

دبا ندوزو ل لب الموضوع كفاش أتأتر البرمجة على المستقبل؟ البرمجة بكل بساطة هي جعل الصعب سهلا. دكشي لاش المبرمج بمجرد ماتيدرس فكرة تيبدى يكودي حتى يوصل للهدف ديالوا وهدشي خلى المبرمجين يحركو مخهم ويخرجو مافي جعبتهم من أفكار وبداو كيطورو فبرامج أولا روبوتات تيقومو بمهام الانسان وتيأهلوهوم أنهم يكونوا أكثر فاعلية من اليد البشرية هدشي لي كيخلي بزاف دالمهن مهددة بالانقراض على يد المبرمجين يعني لابغيتي تنجح فحياتك ونتا مرتاح ماعليك غير تقرى البرمجة.

و هادي فقرة صغيرة علاش خاصك تعلم البرمجة؟ بكل بساطة لاحقاش الحاسوب كيكون الملجأ ديالك فأي وقت وفكل مرة جاتك فكرة ماعليك غير تآمرو وهو اينفذ. ولكن الأجمل هو أن المبرمج تتكون عندو فكرة وباش ينزلها على أرض الواقع كيخص يجرب مئات الأكواد ويجرب ويفشل ويستمر فالفشل حتى يفرجها الله وكتجي النتيجة وبطبيعة الحال لذة تحقيق الهدف كتنسيك گاع داك الفشل. هادشي لي خلاني مولع بهاد المجال.

وأخيرا نصيحة موضوع اليوم أنلخصها فسطر : تعلم البرمجة، ولاحسيتي براسك غير مؤهل غير جرب حيت هاد اللغة للجميع ولاكان عندك وليدات أحسن تربية تربيهوم عليها من بعد التربية المتعارف عليها هي تربيهوم على حب البرمجة.

By Larbi Elgamous

تقييم المستخدمون: 4.55 ( 1 أصوات)

مقالات ذات صلة

‫26 تعليقات

  1. Hi there! I know this is kinda off topic however , I’d figured
    I’d ask. Would you be interested in exchanging links or maybe guest writing a blog article or vice-versa?

    My website addresses a lot of the same subjects as yours and I
    believe we could greatly benefit from each other.
    If you might be interested feel free to send me
    an e-mail. I look forward to hearing from you!
    Fantastic blog by the way!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى